BAKIO

Gazteak surf egiten

Bakio udalerri ederra eta bitxia da. Mendiz eta baserriz inguratuta dago, eta 6 kilometroko labarrak ditu. Elizate harrigarri hau nahitaezko geldialdia da euskal kostaldearen ibilbidean.

Bakio harro dago bere hondartzaz, herrialdeko handiena baita, eta hain ondo zaindua egonik eta halako kalitatea duenez, arautegi zorrotzenek emandako ziurtagiriak lortu ditu (Kalitateko ISO 9001 eta Ingurumeneko ISO 14001, EMAS Sistema, 2007ko Ecoplayas Bandera). Itsas pasealekuak aukera emango digu hondartza osoa punta batetik bestera ezagutzeko eta itsaso harrotuaren ikuspegi ederraz gozatzeko. Arrazoi horiengatik, Surf, Wave Ski, Kayak Surfa eta horrelako kirolen zale direnek Bakio aukeratu ohi dute horietan jarduteko.

Natura maite dutenek eta gure ondarea hobeto ezagutu nahi duten guztiek ere aukera paregabea dute herri honetan seinaleztatutako eta autogidatutako hiru ibilbide ederrak egiteko. Ibilbide horrei esker, hainbat baseliza, errota, eraikin berezi, baserri, itsaslabar, mahasti eta gure lurraldeko aberastasun guztia ezagutuko duzu.

Hala ere, Bakioren ezaugarri bereziena Txakolina da. Ondo babesturiko lekuan dagoenez, mikroklima goxoa du, eta hori dela eta lurrak ezin hobeak dira bertako mahats-mota desberdinak landatzeko. Holaxe sortzen da Txakolina, nortasun bereziko ardo bikaina, arraina eta itsasoko beste hainbat produktukin jateko oso egokia.

BA AL DAKIZU ...

... Bakio bake hitzetik datorrela eta bakezko leku esan nahi duela?

ZER IKUSI ETA ZER EGIN
  • Urte osoan Surferako materiala alokatu, saldu eta surf-ikastaroak egiten dira: Harremanetan jarri turismo-bulegoarekin.
  • Bakioko bisita gidatuak. Taldeentzat antolatuak, turismo-bulegoan aldez aurretik eskatuta.
  • Oinezko ibilbideak: Mendi-ibilaldiak egin, Landa Inguruneko Bakio ezagutu eta Bakioko etxeen bilakaera ikusteko hiru ibilbide seinaleztatu dira. Garai batean errota eta burdinola izandako baserriak, indianoen jauregi eta dorretxeak eta beren ezaugarri bereziengatik ezagutu beharreko ermitak; horien artean erromanikoaren altxor bat: San Pelaio.
IKUSI BEHARREKOAK
  • Bakion sekulako zaletasuna dago surf eta uretako jardueretarako
  • “Txakolindegiak”en Turismo Bulegoak
  • Itsas ondoko natur ingurunea Bakioko alderdirik ekargarrienetakoa dugu
Non jan
  • Kai. Tel. 627 735 044 / 650 266 699 Hasta 21€tiene menú del día
  • Arimune. Tel. 946 194 022 Más de 33€
  • Eneperi. Tel. 946 194 065 Más de 33€
  • Gaztelubegi. Tel. 946 194 924 Más de 33€tiene menú del día
  • Gotzon. Tel. 946 194 043 Más de 33€
  • Itxas Begi. Tel. 946 194 320 De 22 hasta 33€tiene menú del día
  • La Bakiense. Tel. 946 194 232 De 22 hasta 33€tiene menú del día
  • Ondartza Bide. Tel. 946 194 324 Hasta 21€
  • Sabinen Jatetxea. Tel. 946 194 041 Más de 33€tiene menú del día
Non lo egin
Turismo bulegoa

Agirre Lehendakaria Plazea, 3
48130
Tel. 946 193 395
Faxa 946 193 161
turismo@bakio.org
www.bakio.org

Udako informazio puntua
San Pelaioko Bide Nagusia, 48
48130
Tel. 946 195 721
turismoplaya@bakio.org

Lege-oharra