MUNDAKA

Mundakako portua

Mundakak ospe handia hartu du nazioartean bere ezker olatuagatik. Herri lasaia eta marinela da, eta portuak eta arrantzaleen etxe zaharrek osatzen dute bere bihotza. Esan liteke bertako kaleek marine­len antzinako eta o­raingo historia kontatzen digutela, etxe bakoitzeko, eliza bakoi­tzeko hormetan idatzitako ahalegin eta sarien historia hain zuzen.

Santa Maria eliza berpizkundeko estiloaren erakusgarria dugu; goialdean dorre neogotikoa du, XVI. mendekoa. Bandoen arteko gerra-garaian eraiki zuten, eta XVI. mendean berreraiki eta handitu. Santa Katalina ermita, 1885. urtean berreraikia eta oraintsu zaharberritua, gotikoaren eta berpizkundearen arteko trantsizioko eraikina da. Bereziki aipatu beharrekoa da Gurutzea, izen bereko kalean dagoena; berpizkunde berantiar erromanista estilokoa da; alde batean gurutzea du, eta bestean Ama Birjina eta haurra.

Udal Liburutegia ere ikusi beharrekoa da. Zaharberritutako antzinako arrantzale-etxe batean dago. Santiago Bidea kostaldean barrena egiten zuten erromesen aterpe ere izan zen garai batean.

BA AL DAKIZU ...

... Bizkaiko Lehen Jauna eta Eskoziako printzesa baten semea zen Jaun Zuria jatorriz Mundakakoa zela?

ZER IKUSI ETA ZER EGIN
  • Surfa. Kirol jarduera hori oso zabaldua dago Mundakan eta kirol horrekin zerikusia duen edozer gauza alokatu edo eros daiteke bertan.
  • Portua. Herriaren erdian dago eta bere inguruan zenbait eraikuntza ikusgarri ditu; bertako kale estuak eta etxe batzuetako armarriak ere azpimarratu behar dira.
  • Aratusteak. Merezi du Mundaka Aratuste garaian bisitatzea, konpartsa alaietako Atorrak (gizonezkoak) eta Lamiak (emakumezkoak) beren mozorro tipikoak jantzita irteten direnean. Konpartsa horiek kantuan eta dantzan ibili ohi dira kaleetan, goizean hasi eta gau berandura arte.
  • Lamien bidea; Lamiak lagun ditugula egingo dugu ibilbide harrigarri hori, Urdaibairen ikuspegi ederrenaz gozatuz.
IKUSI BEHARREKOAK
  • Surfa, ezkerreko olaturik onena
  • Udaletxea
  • Portuondo Kanpineko eta Talaiako Begiratokiak
Non jan
  • Asador Erreka. Tel. 946 177 219 Hasta 21€tiene menú del día
  • Portuondo. Tel. 946 876 050 Más de 33€tiene menú del día
  • El Casino. Tel. 946 876 005 De 22 hasta 33€tiene menú del día
  • Batzoki. Tel. 946 029 931 Hasta 21€tiene menú del día
  • Asador Bodegón. Tel. 946 876 353 Más de 33€
  • T. Portuondo. Tel. 946 876 050 Hasta 21€tiene menú del día
  • La Fonda. Tel. 946 876 543 De 22 hasta 33€tiene menú del día
Non lo egin
Turismo bulegoa

Kepa Deuna z/g
48360
Tel. 946 177 201
Faxa 946 177 201
turismo.mundaka@bizkaia.org
www.mundaka.org

Lege-oharra