• hasiera
• | hizkuntza
  • es
  • fr
  • en
• | mapa
• | kontaktua
• | laguntza

PLENTZIA

Ez dago Plentzia baino leku hoberik lasaitasuna eta patxada gogoko dutenentzat. Kokaleku aparta du eta aukera ematen digu naturarekin harreman estua izateko, bai itsasa­darraren ondotik bokaleraino doan pasealekuan barrena ibiliz, eta bai ondoko itsaslabarretako bidetik txangoa eginez inguruko bazter ikusgarriekin gozatzeko.

Uriak alderdi erakargarri asko ditu, besteak beste, itsasadarra, itsasorako bidean mantso-mantso doan ur berde eta garbiaren gainean pausaturiko ontziez apaindua, eta bere badia ederra. Plentziako hondartza bertako uren baretasunagatik da ezaguna, bainu on bat hartzeko oso leku aproposa baita. Sarritan, bere kale estuetan gordetzen den historia aberatsa oharkabean pasatuko zaio bisitariari.

Herri-gune Historikoa ezagutzea eta bertan dagoen ondare aberatsa ikustea dira Plentziak eskaintzen dizkigun beste aukera batzuk. Bertan sartzean herriko marinel-etxeak eta jauretxeak ikusiko ditugu. Nahitaez ikusi beharrekoak: Andre Maria Madalena Eliza; Plasentia de Butrón Udal Museoa dagoen eraikina; Torre Barri etxea; etxe honetako Muxica-Butron familiaren armarrian euskaraz harrian idatzitako hitz zaharrenetariko batzuk dauzkadago euskarazko idaz­kirik zaharrena (1603 urtekoa). Balio historiko handiko beste elementu bat Santiago arkua da, hiriko Erdi Aroko harresitik geratu den aztarna bakarra.

... euskaraz idatzitako epigrafe zaharrenetariko bat Plentziako Torre Barri etxearen armarrian dagoela, eta 1603. urtekoa dela?